26 Mar 2024

 Duhawm damdiaiin

Duhawm damdiaiin

Lettu: Mafaa Hauhnar
Satu: TBZ Choir


A hmangaihna chu luite tui iang,
Thiang leh dai nuam tak mai;
Mawi te'n a luang del del zel e,
Duhawm damdiaiin.

Duhawm tak leh damdiaiin,
Duhawm damdiaiin,
A hmangaihna chu luite tui iang,
Duhawm damdiai chu.


A hmangaihna thal khaw khuangruah iang,
Hringfate lawm nan,
A sur seng seng, aw, a mawi hluan e,
Duhawm damdiaiin.

A hmangaihna thal khaw khuangruah iang
Duhawm damdiai chu.

A hmangaihna chhemdam thlifim iang,
A lo leng heuh heuh,
Mawina chi a sem darh vel a,
Duhawm damdiaiin.


 I hlu ber ka tan

I hlu ber ka tan

Phuahtu: R Lalremruata (Pa Rema)
Satu: TBZ Choir (2022-24)


Sualna reng nei lo hmangaihtu Lal Isua,
Mi sual ber thihna kraws chu a phur ta;
Rinawm leh nghet takin hliam na tak tuar chungin,
Chauh leh nat reng reng a sawi mawlh si lo.

Hmuhsit leh sawichhiat, endawnna karah pawh,
Hmangaihtu'n ka tan kraws rit tak mai chu;
Chau vin tluk pui mahse thlah zai a rel lo,
Ka dam nan Kalvari tlang chu a thleng ta.

Khawngaihna, nunna, ka sual faina kraws,
Ka damna, ka mawina kraws chu;
Thihna hnehna, ka thiamchanna kraws,
Ka Lal kraws, i hlu ber ka tan.

Chhandamtu'n thihna a hnehna kraws ngei chu,
Anchhedawng, endawng, hmuhsit ni mahse;
Kei ka tan erawh zawng kraws mawi ber a ni si,
Ka chawisang zel ang, ka chhuang zel ang che.

Khawngaihna, nunna, ka sual faina kraws,
Ka damna, ka mawina kraws chu;
Thihna hnehna, ka thiamchanna kraws,
Ka Lal kraws, i hlu ber ka tan,
Thihna hnehna, ka thiamchanna kraws,
Ka Lal kraws, i hlu ber ka tan,
Ka Lal kraws, i hlu ber ka tan.

 Ka kal zel ang

Ka kal zel ang

Lettu: Frank Lungngailova Colney
Satu: TBZ Choir (2022-24)


Van ropuina ka thlirin hlimin ka khat,
Mahse, hetah lungngaiin ka rum si;
Ka zin kawng hi hrehawmin tuam vel mah se,
He lei hi zawng chatuan ram a ni lo.

Mahse, chu ram mawi ka thlen hma loh chuanin,
Kawng tluanin hlimin ka zai zel dawn;
Ka Chhandamtu'n min hruai hawn hma loh chuanin,
Lungawi takin ka kal zel ang.

Khawvela thil ropui leh mawina zawng te,
Chatuan daih tur reng hi an awm lo ve;
Lungngaihna leh beidawnna mai an lo ni,
Van in nuamah hlimnain ka khat ang.

He lei ninawm, lungngaih leh tahna ram hi,
A boral mek a ropuina zawng nen;
Aw, ka thlarau, thlawkin vanram chu pan la,
Tahchuan hahdamna famkim i hmu ang.